Síðasti keppnisdagur í dag, vinningshafi og verðlaunaafhending

28. maí 2019

Síðasti keppnisdagur Hjólað í vinnuna fer fram í dag, þriðjudaginn 28.maí. Hægt er að skrá ferðir fyrir daginn í dag fram til miðnættis. Lokað verður fyrir allar skráningar kl. 12:00 á morgun, miðvikudaginn 29. maí.

Þátttakendur Hjólað í vinnuna 2019 hafa heldur betur staðið sig með prýði en tæplega 6500 þáttakendur hafa skráð ferðir og hafa skráð samtals 443.036km sem samsvarar yfir 330 hringum í kringum landið! Vel gert hjólarar!!

Í dag var síðasti þátttakandinn dreginn út í skráningarleik Hjólað í vinnuna og var það hún Auður Eiríksdóttir hjá Krabbameinsfélaginu sem var svo heppin að vera dregin út. Hún fær glæsilegt reiðhjól frá Erninum í vinning!

Auður fær hjólið afhent við verðlaunaafhendingu Hjólað í vinnuna sem fer fram í Fjölskyldu- og húsdýragarðinum föstudaginn 25. maí kl. 12:10. Allir eru velkomnir að mæta á verðlaunaafhendinguna og þyggja léttar veitingar.