• Virkur ferðamáti
    Leyfilegt er að nýta allan virkan ferðamáta í Hjólað í vinnuna:
    • Hjólreiðar (líka rafmagnsreiðhjól þar sem þarf að stíga með)
    • Ganga
    • Hlaup
    • Línuskautar, hjólabretti
    • Almenningssamgöngur (þá er skráð sú vegalengd sem gengin er eða hjóluð til og frá stoppustöð)
    • Annað sem felur í sér virkan ferðamáta

    Af hverju virkur ferðamáti

    Ein einfaldasta leiðin til að auka hreyfingu í daglegu lífi er að velja virkan ferðamáta, svo sem göngu eða hjólreiðar. Ávinningurinn er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða. Virkur ferðamáti minnkar bílaumferð, bætir loftgæði, minnkar útgjöld einstaklinga og samfélagsins, stuðla að betri hegðun í umferðinni og aukinni umhverfismeðvitund. Síðast en ekki síst er grunnurinn lagður að heilsusamlegum ferðavenjum í framtíðinni.

    Tekið af vef Embætti landlæknis 


  • Fræðslubæklingar ÍSÍ

    Á undan förnum árum hefur ÍSÍ gefið út  fræðslu- og hvatningabæklinga sem hefur verið dreift ókeypis um land allt. Bæklingarnir eru gefnir út sem hvatning til fólks um að stunda reglulega líkamsrækt. Þar er að finna ýmsan fróðleik og leiðbeiningar um almenningsíþróttir t.d. hvernig á að byrja að stunda viðkomandi íþrótt, tillögur að æfingum og dæmi um teygjur. Í bæklingunum er að finna margar góðar myndir.

    Fræðslubæklinga ÍSÍ á pdf formi:

    Hjólreiðar

    Stafganga

    Hlaup

    Sund

    Kraftganga

    Líkamsæfingar fyrir fólk á besta aldri 

    Hér má nálgast alla fræðslubæklinga sem ÍSÍ hefur gefið út. 

  • Hjólamót

    Inn á heimasíðu Hjólreiðarfélags Reykjavíkur má finna yfirlit yfir hinar ýmsu hjólreiðakeppnir sem haldnar eru.

  • Hjólreiðafélög
  • Göngu- og hjólastígakort

    Hjólavefsjáin er gagnvirkur vefur á vegum Ride the City og má nota til að finna út hvaða leiðir henta best. Hægt er að sjá vefsjána hér.

    Á korterskortinu má sjá þær vegalengdir sem hægt er að fara frá þungamiðju Reykjvíkur á 15 mínútum. Hægt er að sjá kortið hér.

    Korta af göngu- og hjólreiðastígum á höfuðborgarsvæðinu má nálgast hér

    Á borgarvefsjá má mæla út vegalengdir og á ja.is er að finna kortavef sem nær yfir allt landið.

    Hér er góður kortavefur fyrir Ísland og hér er landupplýsingakerfi fyrir nokkur sveitarfélög á landinu.

    Hér er kort sem sýnir góðar hjólaleiðir í höfuðborginni og hér er kort á landsvísu.

    Hér er hægt að skoða hjólakort fyrir allt landið, en þetta kort er þannig að notendur geta sjálfir bætt inn stígum og tengingum. Kortið er í þróun.

    Hér er annað kort þar sem hægt er að mæla vegalengdir á.

    Hér eru tengingar í korterskort í mörgum sveitarfélögum landsins.

  • Öryggisbúnaður reiðhjólamanna

    Eftirfarandi upplýsingar eru fengnar af heimasíðu Umferðarstofu

    Öryggisbúnaður reiðhjóla

    • Bremsur í lagi á fram og afturhjóli
    • Bjalla - ekki má nota annan hljóðmerkjabúnað
    • Ljós að framan - hvítt eða gult (ef hjólað er í myrkri eða skertu skyggni)
    • Rautt ljós að aftan (ef hjólað er í myrkri eða skertu skyggni)
    • Þrístrennd glitaugu - rautt að aftan og hvítt að framan
    • Keðjuhlíf - til varnar því að fatnaður festist í keðjunni
    • Teinaglit í teinum
    • Glitaugu á fótstigum
    • Lás

    Leggja ætti áherslu á að nota einnig:

    • Hjólvara (bílafælu) - viðvörunarstöng með endurskini sem hægt er að beina út frá hjólinu
    • Standara

    Reiðhjólahjálmur

    - Hvaða gagn er að hjólreiðahjálmum?
    Höfuðmeiðsl eru alvarlegustu áverkar sem hljótast af hjólreiðaslysum. Notkun hlífðarhjálms kemur ekki í veg fyrir slysin en dregur úr alvarleika þeirra og minnkar líkurnar á alvarlegum höfuðmeiðslum. Hjálmur getur greint á milli heilahristings og höfuðkúpubrots og jafnvel lífs og dauða. Sérstaklega er mikilvægt að börn noti hlífðarhjálm við hjólreiðar enda eru höfuð þeirra minni og viðkvæmari en þeirra sem eldri eru.

    Veljið hjálm af kostgæfni. Góður hjálmur uppfyllir þessar kröfur:

    • er prófaður af viðurkenndri stofnun og merktur með CE-merki
    • verndar enni, hnakka, gagnaugu og koll
    • passar vel, situr þétt á höfðinu, rennur ekki aftur á hnakka
    • hindrar hvorki sjón né dregur úr heyrn
    • er mjúkur næst höfðinu
    • er léttur og með loftopum
    • er með stillanlegt hökuband og spennu sem auðvelt er að opna og loka. Spennan á að vera til hliðar en ekki undir hökunni.
    • er auðveldur í notkun og létt að þrífa.

    Rétt notkun getur skipt sköpum:

    • hjálmurinn skal sitja rétt, - ekki of aftarlega
    • hjálmurinn skal sitja þétt svo hann hvorki detti af né skekkist þegar á reynir
    • böndin eiga að vera rétt stillt. Aftara bandið skal stillt á móti fremra bandi, þannig að eyrað lendi í miðju V-forminu sem böndin mynda.
    • hvorki má líma merki á hjálminn né mála hann, þá getur höggþolið minnkað
    • hjálminn má aðeins hreinsa með vatni og sápu, - ekki með uppleysandi efnum, ss. þynni, bensíni o.s.frv.
    • hjálminn á ekki að nota í leiktækjum.

    Hér má finna bækling sem Slysavarnarfélagið Landsbjörg, Umferðarstofa og Ríkislögreglustjóri gáfu út um hjólreiðar.

    Mega hjólreiðamenn hjóla á gangstéttum?

    Samkvæmt umferðarlögum er heimilt að hjóla á gangstétt og gangstíg, enda valdi það ekki gangandi vegfarendum hættu eða óþægindum. Hjólreiðamaður á gangstétt eða gangstíg skal víkja fyrir gangandi vegfarendum. Þegar nauðsynlegt er að koma í veg fyrir hættu skal hjólreiðamaður gefa hljóðmerki. Sums staðar er notkun reiðhjóla bönnuð á gangstéttum og er þá vakin athygli á því með viðeigandi skiltum.

    Með því að smella hér má sjá þrjár myndir sem Samgöngustofa hefur látið gera um öryggi hjólreiðamanna út frá sjónarhóli ökumanns, gangandi vegfaranda og hjólandi vegfaranda.

  • Reiknivél Orkusetursins

    Inn á vef Orkusetursins má finna nokkrar samgöngureiknivélar og ein þeirra er um göngu og hjól. 

    Smellið hér til að reikna út hvað þið sparið við að nota virkan ferðamáta. 

    Árið 2014 voru alls hjólaðir 734.946 km eða 548,88 hringir í kringum landið. Við það sparaðist um 118 tonn af útblæstri CO2, og 70.500 lítrar af eldsneyti sem gera rúmlega 17 milljónir króna og brenndar voru um 46 miljónir kaloría sé þessi vegalengd gengin en 25 milljónir kaloría sé þessi vegalengd hjóluð, sé miðað við 80 kg mann sem ekur á fólksbíl.  

    Árið 2013 fóru þátttakendur Hjólað í vinnuna 570.131 km eða 425,79 hringir í kringum landið. Við það sparaðist um 102 tonn af útblæstri CO2, og 56.980 lítrar af eldsneyti sem gera 14 milljónir króna og brenndar voru um 36 miljónir kaloría sé þessi vegalengd gengin en 19 milljónir kaloría sé þessi vegalengd hjóluð, sé miðað við 80 kg mann sem ekur á fólksbíl.


  • Hjólað í vinnuna í öðrum löndum

    Vi cykler til arbejde - Danmörk
    Sykle til Jobben - Noregur

    Bike2work - mörg lönd

     

  • Kostir hjólreiða
    • Hjólreiðar til og frá vinnu og skóla er frábær leið til að ná daglegum skammti af hreyfing sem Embætti landlæknis mælir með eða um 30 mínútur á dag fyrir fullorðna og 60 mínútur á dag fyrir börn.                              
    • Hjólreiðar spyrna við hreyfingarleysi og offitu.
    • Daglegar hjólreiðar lækka tíðni vöðva- og liðamótasjúkdóma, krabbameins, kransæðasjúkdóma, sykursýkis og þunglyndis, og lengir lífið um mörg ár.
    • Hjólreiðar geta sparað einstaklingum, vinnustöðum og samfélaginu verulegar fjárhæðir vegna lægri tíðni alvarlegra sjúkdóma, slysa og fækkunar veikindadaga. Auk þess að lækka eldsneytiskostnað, bílastæðagjöld o.fl.
    • Reiðhjól eru mun ódýrara í rekstri en til dæmis einkabíll númer tvö.
    • Minni olíuþorsti dregur úr viðskiptahalla og olíustríðum.
    • Engin loftmengun, hverfandi hávaðamengun og reiðhjól krefjast mun minna pláss.
    • Hjólreiðamenn anda að sér minni mengun en bílstjórar, jafnvel á akbrautum (skv. ESB rannsókn).
    • Með aukinni hjólreiðaiðkun mun umferðarþungi á akbrautum minnka og bílaumferð verður greiðari.
    • Í Kaupmannahöfn hjóla rúmlega 30% í vinnu –  og svipað margir í  Oulu í norður Finnlandi. Þetta er gerlegt.
    • Útsýnið frá hjólinu er frábært. Við þurfum heldur ekki finna stærðarinnar stæði til að stoppa og spjalla.
    • Auknar hjólreiðar gera samfélagið okkar skemmtilegra, fallegra, rólegra og barnvænna.

  • Hjólafærni

    Fyrirlestrar og námskeið

    1. Ástandsvottun Dr. Bæk.
    Dr. Bæk mætir með farandskoðunarstöðina sína og ástandsskoðar hjólin. Pumpar, smyr og skoðar bremsur og gíra. Hvert hjól fær sitt ástandsvottorð. Líka gott tækifæri til þess að spyrja hin ráðagóða doktor. Vinsælt fyrir vinnustaði og vorhátíðir alls konar.

    2. Leiðsögn Dr. Bæk.
    Dr. Bæk mætir með tæki og tól og leiðbeinir um helstu vorverk hjólreiðamannsins með sýnikennslu og óformlegum fyrirlestri við hjólið. Sýndar eru þrif og stillingar á stelli, bremsum og gírum og spurningum svarað. Þátttakendur geta mætt með sín eigin hjól og geta fengið leiðsögn í að gera hlutina sjálfir eða þá ástandsvottorð um heilsu hjólsins frá doktornum.

    3. Fyrirlestur um samgönguhjólreiðar.
    Um 45 mín. hádegisfyrirlestur um samgönguhjólreiðar og hindurvitni hjólreiða, samvinnu í umferðinni, hjólaleiðir, aðbúnað fyrir hjól og fjölbreytni í samgöngum.

    4. Hjólum og verum klár.
    Fyrirlestur um samgönguhjólreiðar og námskeið í hjólaviðgerðum á eftir; sprungið dekk, bremsur og gírar. Ein kvöldstund sem hefst með fyrirlestri. Síðan er kaffi og loks sýna tveir fagmenn og kenna dekkjaviðgerðir og einfalt viðhald á bremsum og gírum.

    5. Kennsla í samgönguhjólreiðum á vettvangi.
    Fámenn einkakennsla, 2 – 4 í hóp, þar sem hjólað er undir leiðsögn hjólafærnikennara á stígum og á götum. Kennsla í samgönguhjólreiðum hentar öllum sem vilja auka öryggi sitt á hjólinu og í umferðinni. Hentar vinnustöðum, fjölskyldum og vinahópum.

    6. Læra að hjóla.
    Hjólafærni kennir hjólreiðar frá grunni börnum og fullorðnum. Það geta allir lært að hjóla. Kennsla er samkvæmt samkomulagi. Fámenn einkakennsla, 1-2 í hóp, þar sem kennt er að hjóla í þægilegu umhverfi.

    Allar nánari upplýsingar veitir Sesselja Traustadóttir s: 864-2776.

    Heimasíða: www.hjolafaerni.is

  • Umferðaröryggi hjólreiðamanna

    Leiðbeiningar LHM fyrir hjólandi á stígum og gangstéttum með blandaðri umferð

    1.      Sýnum öðrum ávallt tillitsemi og aðgát.

    2.      Gangandi vegfarendur hafa forgang.

    3.      Stillum hraðanum í hóf á stígunum þeir eru oftast hannaðir fyrir hæga gangandi umferð með blindhornum og kröppum beygjum.

    4.      Höfum almennt í huga hægri regluna - höldum okkur til hægri og förum framúr vinstra megin.

    5.      Förum varlega framúr öðrum og gefum tímanlega kurteislegt hljóðmerki með bjöllu.

    6.      Víkjum til hægri fyrir þeim sem vilja komast framúr þegar það er öruggt.

    7.      Högum hraða ávallt miðað við aðstæður og sýn fram á stíg.

    8.      Notum góð ljós þegar rökkvar og gætum þess að vera sýnileg.

    9.      Lítum aftur og gætum að umferð og gefum skýr merki með höndum ef við á áður en við beygjum, breytum stöðu á stíg eða hægjum á ferð.

    10.  Veitum ökutækjum sérstaka aðgát þegar stígur liggur yfir götu.

    Leiðbeiningar LHM fyrir hjólandi á götum með 50 km hraða eða minna.

    Fylgjum ávallt umferðarlögum. Sýnum öðrum ávallt tillitsemi og aðgát. Notum góð ljós þegar rökkvar og gætum þess að vera sýnileg.

    2.      Höldum okkur að lágmarki um 1 metra frá hægri kanti eða kyrrstæðum bifreiðum.

    3.      Fylgjum umferðarstraumnum og breytum ekki um stefnu öðrum að óvörum.

    4.      Gefum skýr merki með höndum ef við á áður en við beygjum, breytum stöðu á akrein eða hægjum á ferð.

    5.      Við eftirfarandi aðstæður ætti hjólandi við flestar kringumstæður að taka víkjandi stöðu á akbraut, sem er um 1 meter hægra megin við umferðarstraum en varla nær akbrautarbrún en um 1 meter:

    ·         þegar nægilegt pláss er fyrir akstur bíls og reiðhjóls hlið við hlið,

    ·         þegar langt er milli gatnamóta eða innkeyrslna,

    ·         til að hleypa bílum framúr.

    6.      Við eftirfarandi kringumstæður ættu hjólandi þó að taka ríkjandi stöðu á miðri akrein:

    ·         þegar ekki er nægilegt pláss fyrir bíl að fara framúr, s.s. í þrengingum,

    ·         við gatnamót, í beygjum og í hringtorgum,

    ·         þegar farið er framhjá bílum sem gætu óvænt ekið í veg fyrir hjólandi svo sem við innkeyrslur og bílastæði.

    7.      Lítum aftur og gætum að umferð áður en:

    ·         ríkjandi staða er tekin á akrein,

    ·         áður en skipt er um akrein,

    ·         áður en beygt er til vinstri eða hægri.

    8.      Fara skal fram úr vinstra megin að öllu jöfnu. Reiðhjólum er leyfilegt að fara framúr vélknúnum ökutækjum hægra megin en það þarf að gerast með varúð.

    9.      Gæta skal að löngum ökutækjum, varasamt er að vera hægra megin við þau ef mögulegt er að þau beygi til hægri.

                   10.  Hjólandi á akbraut ber að veita umferð gangandi og hjólandi forgang á gangstétt eða gangstíg.
  • Farið af stað

    Hnakkhæð og staða.

    Auðveldast er að stilla hæðina á hnakknum með því að setjast á hann og styðja sig upp við vegg.
    Þegar fótleggirnir eru alveg beinir átt þú að geta hvílt hælana á fótstigunum í neðstu stöðu.

    Stöðuna er einnig hægt að skoða á meðan þú situr á hjólinu. Stilltu fótstigið lárétt og leggðu fótinn á það. Haltu snæri með hangandi lóði upp að hnénu framanverðu. Lóðið á koma niður nákvæmlega á miðju fótstigsins og ef það gerir það er staða þín rétt, ella þarf að færa hnakkinn fram eða til baka þar til rétt staða næst. Þegar maður hjólar aftur á móti er best að vera með petalinn undir tábergi.

    Nánari upplýsingar eru að finna hér  með teikningum hjá ÍFHK.

    Taktur og ákefð

    Eitt af markmiðum með hjólaþjálfun er að þjálfa hjarta- og æðakerfið, þ.e.a.s. úthaldsþjálfun. Þess vegna er mikilvægt að snúa fótstigunum eins hratt og þú getur (þ.e. sá fjöldi hringja sem fótstigið fer á mínútu) sem skilar þér því að þú getur hjólað lengra án þess að  verða þreytt/-ur í fótunum. Margir hafa hjólið þannig „gírað” þegar þeir hjóla að fótstigin fara 60 hringi eða færri á mínútu. Það er of lítið. Það er hins vegar mælt með því að þú hjólir frekar í lágum gír og haldir þannig hraða að fótstigin fari um 80 –100 hringi á mínútu. Þetta  þýðir ekki að þú farir hraðar heldur að þú þurfir að snúa hraðar til að halda sama hraða og þú myndir annars gera með 60 hringjum á mínútu. Í byrjun mun þetta reynast þér erfitt, en smá saman uppgötvar þú að þú getur hjólað miklu lengra án þess að verða þreytt/ur um leið og þú styrkist. Aukinn snúningshraði minnkar jafnframt líkur á álagsmeiðslum í hnjám.