Hjólað í vinnuna

Hjólreiðar sem samgöngumáti

• kostir hjólreiða
• Hjólafærni
• Dr. BÆK

Hjólreiðar – leiðin til framtíðar

Kostir hjólreiða

• Hjólreiðar til og frá vinnu og skóla er frábær leið til að ná daglegum skammti af hreyfing sem Lýðheilsustöð mælir með eða um 30 mínútur á dag fyrir fullorðna og 60 mínútur á dag fyrir börn.                              
• Hjólreiðar spyrna við hreyfingarleysi og offitu.
• Daglegar hjólreiðar lækka tíðni vöðva- og liðamótasjúkdóma, krabbameins, kransæðasjúkdóma, sykursýkis og þunglyndis, og lengir lífið um mörg ár.
• Hjólreiðar geta sparað einstaklingum, vinnustöðum og samfélaginu verulegar fjárhæðir vegna lægri tíðni alvarlegra sjúkdóma, slysa og fækkunar veikindadaga. Auk þess að lækka eldsneytiskostnað, bílastæðagjöld o.fl.
• Reiðhjól eru mun ódýrara í rekstri en til dæmis einkabíll númer tvö.
• Minni olíuþorsti dregur úr viðskiptahalla og olíustríðum.
• Engin loftmengun, hverfandi hávaðamengun og reiðhjól krefjast mun minna pláss.
• Hjólreiðamenn anda að sér minni mengun en bílstjórar, jafnvel á akbrautum (skv. ESB rannsókn).
• Með aukinni hjólreiðaiðkun mun umferðarþungi á akbrautum minnka og bílaumferð verður greiðari.
• Í Kaupmannahöfn hjóla rúmlega 30% í vinnu –  og svipað margir í  Oulu í norður Finnlandi. Þetta er gerlegt.
• Útsýnið frá hjólinu er frábært. Við þurfum heldur ekki finna stærðarinnar stæði til að stoppa og spjalla.
• Auknar hjólreiðar gera samfélagið okkar skemmtilegra, fallegra, rólegra og barnvænna.

Hjólafærni

Fyrirlestrar og námskeið í boði fyrir einstaklinga og fyrirtæki

1. Samgönguhjólreiðar, hádegisfyrilestur um samvinnu í umferðinni, hjólaleiðir, aðbúnað og ávinning fyrirtæjka. 45 min. á 20.000 kr.
2. Gerum hjólið klárt! Dr. BÆK og hjólahjúkkan mæta með tæki og tól og leiðbeina um helstu vorverk hjólreiðamannsins;þrif og stillingar á stelli, bremsur og gíra. Þátttakendur mæta með sín eigin hjól og fá leiðsögn í að gera hlutina sjálfir og vottorð um heilsu hjólsins frá Dr. BÆK (búnaður-æfing-kjarkur). 120 min. Dr. BÆK einn á 20.000 kr. + hjólahjúkkan = 34.000 kr.
3. Hjólum og verum klár! Fyrirlestur um samgönguhjólreiðar og námskeið í hjólaviðgerðum á eftir; sprungið dekk, bremsur og gírar. Ein kvöldstund sem hefst með fyrirlestri. Síðan er kaffi og loks sýna tveir fagmenn og kenna dekkjaviðgerðir og einfaldar viðhaldsviðgerðir á bremsum og gírum. 180 min. á 45.000kr.
4. Hjólafærni á vettvangi, Fámenn einskakennsla, 2 - 4 í hóp, þar sem hjólað er undir leiðsögn hjólafærnikennara í umferð og um gatnamót. 120 min. á 12.000 kr.

Auk þess er boðið upp á aðstoð og hugmyndir að þrautabrautum, Hjólympíuleikjum fyrirtækja og skipulaggningu hjólaferða. Allar nánari upplýsingar gefur Sesselja Traustadótti, s: 864 2776.

Heimasíða: www.hjolafaerni.is