Hjólað í vinnuna

Spurning dagsins

Miðvikudagurinn 5.maí 2010

Fyrsta spurning dagsins var: "Hversu oft hefur þú tekið þátt í Hjólað í vinnuna?"

Niðurstöður voru þessar:

Af þeim 450 sem svöruðu eru 18 % sem hafa tekið þátt einu sinni, 17% tvisvar, 17% þrisvar, 7% fjórum sinnum, 5% fimm sinnum, 3% sex sinnum, 4% sjö sinnum og 30% aldrei. Útfrá þessu má áætla að 30% þátttakanda í Hjólað i vinnuna 2010 séu að taka þátt í fyrsta skiptið sem er mjög jákvætt. Frá árinu 2003 hefur þátttaka í hjólað í vinnuna aukust um 1400% eða úr því að vera 533 þátttakendur 2003 í það að vera 8041 þátttakandi 2009. Skráning hefur gengið vel þetta árið og með þessu áframhaldi má búast við því að þátttakan mun halda áfram að aukast. Við skorum á alla til þess að skrá sig til leiks og hjóla í vinnuna a.m.k. einu sinni á þessum þremur vikum, því ef þú ferð einu sinni áttu svo sannarlega eftir að fara aftur seinna.

Fimmtudagurinn 6.maí 2010

Spurt var: "Hvernig er aðstaða fyrir hjólreiðamenn og hjól á þínum vinnustað?"

Niðurstöður voru þessar:

Af þeim 369 sem svöruðu voru 30,9% sem söguð mjög góð, 27,1% svöruðu góð, 24,4 sæmileg, 13 % slæm og 4,6% mjög slæm. Af þessu sést að aðbúnaður fyrir hjólreiðamenn og
hjól hjá meirihluta þeirra vinnustaða sem taka þátt í Hjólað í vinnuna er góður eða ásættanlegur. Einungis tæplega 18% sögðu að aðstæðan væri slæm eða mjög slæm. Það að vinnustaður
hafi hjólagrindur fyrir öll hjól og baðaðstöðu fyrir starfsmenn sína telst vera góð aðstaða. Þetta eru þær grunnþarfir sem þarf til þess að auðvelt sé fyrir
starfsmenn að koma á hjólum sínum til vinnu. Mjög góð aðstaða er þar sem hjólastæði eru yfirbyggð og hjólin því tryggð fyrir veðrum og vindum sem og fingralöngum vegfarendum.  Fyrir þá starfsmenn sem hafa ekki aðgang að sturtu má bjarga sér með því að leggja aðeins fyrr af stað og hjóla rólega til vinnu, hafa með sér þvottapoka og svitalyktaeyði og nýta sér baðherbergin til að þurka af sér og skipta um föt - Það er allt hægt ef viljinn er fyrir hendur.

Föstudagurinn 7.maí 2010

Spurt var: "Hvernig hvetur þinn vinnustaður til vistvæns ferðamáta í og úr vinnu?"

Niðurstöður voru þessar:

Af þeim 142 sem svöruðu voru 26,1% sem sögðu að vinnustaðurinn þeirra hvetti til vistvæns ferðamáta með því að senda út hvatningarpósta, 5,6% með vinnutengdum fríðindum, 26,1% með innanhúss keppni milli liða, 29,6% sögðu að sinn vinnustaður hvetti ekki til vistvæns ferðamáta og 12,7% sögðu að vinnustaðurinn notaði aðrar aðferðir til hvatningar. Hvatning vinnustaða um vistvænan ferðamáta hefur mikið að segja og getur komið ólíklegustu einstaklingum af stað í að hjóla/ganga til og frá vinnua. Hvatningin getur verið mjög mismunandi og
þarf ekki að kosta mikið. Skemmtilegir hvatningarpóstar sem innihalda t.d. fjölda kílómetra sem vinnustaðurinn hefur hjólað eða stöðu vinnustaðarins miða við aðra vinnustaðir sem sendir eru einu sinni á dag eru dæmi um góða hvatningu. Vinnustaðurinn getur einnig sett um innanhúss keppni milli sinna liða og getur það skapað skemmtilega keppni og góðan móral innan vinnustaðarins. Þetta tvennt þarf ekki að kosta mikið og þó svo að vinnustaðurinn kaupi verðlaun fyrir efstu liðin í innanhúss keppni á það eftir að borga sig þegar fram líða stundir í t.d. færri veikindadögum starfsmanna og betri vellíðan starfsmannanna. Sumir vinnustaðir bjóða starfsmönnum sínum uppá samgöngusamninga þar sem starfsmennirnir afsala sér því að koma á bíl til vinnu og fá í staðinn greiddan styrk árlega fyrir t.d. árskorti í strætó. Samgönguráðuneytið skrifaið undir fyrstu samgöngusamningana við starfsmenn sína í síðustu viku og einnig er Mannvit mjög framarlega í því að hvetja sína starfsmenn til þess að hjóla, ganga eða nota almenningssamgöngur. Við hvetjum vinnustaði eindregið til þess að kynna sér aðferðir þessara tveggja staða og hvetja sína starfsmenn til vistvæns ferðamáta - Það marg borgar sig.

Mánudagurinn 10.maí 2010

Spurt var: "Hefur veðurfar áhrif á það hvort þú hjólir í vinnuna?"

Niðurstöður voru þessar:

Af þeim 349 sem svöruðu voru 33,2% sem sögðust hjóla í hvaða veðri sem er, 57 % sem sögðust hjóla alltaf nema í fárviðri og 9,7% sem sögðust bara hjóla ef það væri gott veður. Gaman er að sjá að einungis 9,7% svarenda láta veðrið hafa áhrif á sig og að 33,3% hjóli í hvaða veðri sem er, aldeilis naglar þar á ferð. Rúmlega helmingur svarenda er þó með vaðið fyrir neðan sig enda kannski ekki það besta að leggja af stað hjólandi ef spáð er fárviðri.

Þriðjudagurinn 11.maí 2010

Spurt var: "Notar þú bjölluna á hjólinu þínu?"

Niðurstöður voru þessar:

Af þeim 286 sem svöruðu voru 19,9% sem sögðust alltaf nota bjölluna, 36% stundum en 44,1% sem sagðist ekki vera með bjöllu. Mjög mikilvægt er að nota bjölluna þegar hjólað er, sérstaklega þar sem hjólað er á göngustígum í samfloti með gangandi vegfarendum. Nota á bjölluna nokkru áður en hjólreiðamaðurinn tekur fram úr gangandi vegfaranda/öðrum hjólreiðamanni svo sá hinn sami viti að von er á hjólreiðamanni. Þó skal hafa í hug að í dag er mjög algengt að gangandi vegfarendur sem og aðrir hjólreiðamenn séu með tónlist í eyrunum og má því fastlega gera ráð fyrir því að enginn heyri í bjöllunni þó svo að hún sé notuð. Viljum við kom þeim tilmælum til almennings að þegar gengið/hjólað er í umferðinni eða þar sem mikil trafík er á göngustígum að fólk hafi tónlistina bara í öðru eyranu og geti því hlustað á umferðina með hinu til þess að skapa meira öryggi í umferðinni.

Miðvikudagurinn 12.maí 2010

Spurt var: "Notar þú hjálm?"

Niðurstöður voru þessar:

Af þeim 334 sem svöruðu voru 79% sem sögðust alltaf nota hjálm, 8% stundum og 12% aldrei. Höfuðmeiðsl eru alvarlegustu áverkar sem hljótast af hjólreiðaslysum. Notkun hlífðarhjálms kemur als ekki í veg fyrir slysin en minnkar líkurnar á alvarlegum höfuðmeiðslum. Sérstaklega er mikilvægt að börn noti hlífðarhjálm við hjólreiðar enda eru höfuð þeirra minni og viðkvæmari en þeirra sem eldri eru. Gildandi reglur frá 1999 segja að börn yngri en 15 ára eigi að nota hlífðarhjálm við hólreiðar. Hér á heimasíðunni undir "Gott að vita" - "Umferðaröryggi hjólreiðamanna" er að finna ýtarlegar leiðbeiningar um val á hjálmum og hvernig nota á hjálminn. Við hvetjum alla til þess að nota hjálminn.

Föstudagurinn 14.maí 2010

Spurt var: " "Hefur þú skoðað vefsíður hjólreiðafélaga og samtaka?" 

Niðurstöður voru þessar:

Af þeim 170 sem svöruðu voru 48,8% sem höfðu skoðað vefsíður hjólreiðafélaga og samtaka og 51,2% sem sögðust ekki hafa skoðað þær. Margt áhugavert er að finna á vefsíðum hjólreiðafélaga og samtaka og oft margt skemmtilegt í gangi hjá þeim. Landssamtök Hjólreiðamanna eru með vefsíðuna www.lhm.is , Íslenski fjallahjólaklúbburinn er með www.ifhk.is, Hjólreiðafélag Reykjavíkur er með www.hfr.vortex.is, Hjólakonur með www.hjolakonur.net, Hjólamenn með www.hjolamenn.blogspot.is, Útivist með www.utivist.is og Hjólafærni á Íslandi er með vefsíðuna www.hjolafaerni.is. Við hvetjum alla áhugamenn um hjólreiðar að kynna sér starfssemi þessara félaga og nýta sér það sem þau bjóða uppá. Sem dæmi má nefna að ÍFHK stendur fyrir hjólreiðatúr um Reykjavík alla þriðjudaga kl. 19:30 frá Grasagarðinum.

Mánudagurinn 17.maí 2010

Spurt var: " Hvað eru margir bílar á þínu heimili? "

Niðurstöður voru þessar:

Af þeim 320 sem svöruðu voru 6,3% sem sögðu enginn, 48,8% einn, 35,6% tveir og 9,4% fleiri. Síðustu ár hefur orðið mikil aukning í bílafjölda á Íslandi og einkabílinn orðinn aðal samgöngutæki almennings. Árið 2008 voru 656,7 fólksbílar á hverja 1000 íbúa en árið 1990 voru þeir ekki nema 468,2 og er það því aukning um 40% á 18 ára tímabili. Mikilvægt er að almenningur átti sig á því að til eru fleiri samgöngutæki heldur en einkabílilnn og fari að nýta sér heilsusamlegri, umhverfisvænni og hagkvæmari ferðamáta. Hjólreiðar er sá kostur sem sameinar þessi þrjú gildi, það er maður nýtir eigin orku til að hjóla, mengar ekki umhverfið sitt og þarf ekki að borga fyrir bensín. Frá því að Hjólað í vinnuna hófst árið 2003 hefur þátttakan aukist um 1400% og vonandi hefur það skilað sér í aukinni vakningu meðal almennings, stjórnvöld og annarra sem koma að samgöngumálum á landinu um hversu gott sóknartækifæri hjólreiðar eru.

Þriðjudagurinn 18.maí 2010

Spurt var: " Hvoru megin á hjólreiðamaður að taka framúr á stíg og götu? "

Niðurstöður voru þessar:

Af þeim 239 sem svöruðu voru 12,1 % sem sögðu hægra megin og 87,9 % sem sögðu vinstra megin. Eftirfarandi texti er fenginn úr hjólreiðabæklingnum Hjólreiðar frábær ferðamáti sem Íslenski Fjallahjólaklúbburinn og Landssamtök Hjólreiðamanna gáfu út áður en Hjólað í vinnuna hófst. Í bæklingnum er greinargóður kafli um samgönguhjólreiðar sem við hvejtum fólk eindregið til að kynna sér. Hægt er að nálgast eintak af bæklingum á Skrifstofu ÍSÍ, Engjavegi 6. " Að hjóla frammúr: Hjólreiðamenn ættu almennt að fara framúr öðrum ökutækjum vinstra megin við þau. Ekki er mælt með að fara fram úr hægra megin. Oftast eru það litlar raðir bíla í íslenskri umferð að það borgar sig sjaldan að reyna að troðast framfyrir í röð á ljósum. Að fara framúr hægra megin skapar hættu ef bílar beygja til hægri á gatnamótum. Ef hjólreiðamaður er að fara framúr röð af bílum í stæði ætti hann að fara inn í umferðarstrauminn tímanlega og hjóla síðan í öruggri fjarlægð frá bíldyrum sem gætu verið opnaðar. Ef það eru nokkur ökutæki sem þarf að taka fram úr með stuttu millibili skal halda stöðunni þar til komið er fram úr þeim öllum.". Þegar tekið er fram úr á göngustígum skal einnig tekið framúr vinstra megin.

Miðvikudagurinn 19.maí 2010

Spurt var: "Kannt þú að gera við spurngið dekk?"

Niðurstöður voru þessar:

Af þeim 217 sem svöruðu voru 66,8 % sem sögðu já og 33,2 % sem sögðu nei. Gott er að sjá að um 2/3 sem svöruðu kunna að gera við dekkið en fyrir þá sem ekki kunna það, þá er grein inná vef Íslenska fjallahjólaklúbbsins, efter Sesselju Traustadóttur þar sem varið er í gegnum það hvernig sprungið dekk er lagað og fylgja greininni myndir sem hægt er að fara eftir. Hægt er að komast á greinina með því að smella hér.

Fimmtudagurinn 20. maí 2010

Spurt var: "Hjólar þú allt árið?"

Niðurstöður voru þessar:

Af þeim 136 sem svöruðu voru 33,8 % sem sögðust hjóla allt árið og 66,2 % sem sögðust ekki hjól allt árið. Tíðarfar var hagstætt á árinu 2009. Hiti var langt yfir meðallagi um landið sunnanvert og einnig vel yfir meðallagi nyrðra. Í Reykjavík var árið það 10. hlýjasta frá upphafi mælinga. Í Reykjavík og á Akureyri voru allir mánuðir nema tveir með hita yfir meðallagi. Árið 2009 verður að teljast snjólétt, alhvítir dagar í Reykjavík voru 40 og á Akureyri voru alhvítu dagarnir 97.(Heimild: http://www.vedur.is/vedur/frodleikur/greinar/nr/1801) Af þessu sést að það er ekki erfitt að vera heilsárs hjólreiðamaður á Íslandi, allavega ekki miða við árið 2009 og þessir fyrstu mánuðir 2010 hafa einnig lofað góðu. Hægt er að kaupa nagladekk á reiðhjólin sem virka vel í snjónum og svo er það bara að klæða sig eftir veðri. Hægt er að fjárfesta í góðum töskum sem hægt er að hengja á böglaberann og í þær kemst allt sem nauðsynlegt er að hafa með sér til vinnu og nánast allra daglrega athafna - Allt hægt ef viljinn er fyrir hendi.

Föstudagurinn 21.maí 2010

Spurt var: " Þekkir þú einhvern sem ekki tekur þátt í Hjólað í vinnuna þó svo að viðkomandi hjóli eða gangi til vinnu?"

Niðurstöður voru þessar:

Af þeim 174 sem svöruðu þá sögðu 59,8% já en 40,2% sögðu nei. Það er gott til þess að vita að það eru fleiri en 9370 sem nýta eigin orku til að koma sér til og frá vinnu.

 

 

 

 

 

 

 

Þriðjudagurinn 25.maí 2010

Spurt var: " Ætlar þú að halda áfram að hjóla/ganga í vinnuna eftir að Hjólað í vinnuna líkur í dag"?

Niðurstöður voru þessar:

 

Af þeim 407 sem svöruðu þá ætla 395 eða 97,3% að halda áfram að hjóla/ganga í vinnuna eftir að keppninni Hjólað í vinnuna líkur en 12 eða 2,8% ætla að snúa sér aftur að bílnum. Við hvetjum alla til þess að halda áfram að nýta eigin orku á næstu mánuðum og að Hjólað í vinnuna hafi verið ánægjuleg keppni fyrir alla þátttakendur. Látum hjólinn snúast.