Hjólað í vinnuna

- Hvaða gagn er að hjólreiðahjálmum?

Höfuðmeiðsl eru alvarlegustu áverkar sem hljótast af hjólreiðaslysum. Notkun hlífðarhjálms kemur ekki í veg fyrir slysin en dregur úr alvarleika þeirra og minnkar líkurnar á alvarlegum höfuðmeiðslum. Hjálmur getur greint á milli heilahristings og höfuðkúpubrots og jafnvel lífs og dauða. Sérstaklega er mikilvægt að börn noti hlífðarhjálm við hjólreiðar enda eru höfuð þeirra minni og viðkvæmari en þeirra sem eldri eru.

Veljið hjálm af kostgæfni. Góður hjálmur uppfyllir þessar kröfur:

Rétt notkun getur skipt sköpum:

• hjálmurinn skal sitja rétt, - ekki of aftarlega
• hjálmurinn skal sitja þétt svo hann hvorki detti af né skekkist þegar á reynir
• böndin eiga að vera rétt stillt. Aftara bandið skal stillt á móti fremra bandi, þannig að eyrað lendi í miðju V-forminu sem böndin mynda.
• hvorki má líma merki á hjálminn né mála hann, þá getur höggþolið minnkað
• hjálminn má aðeins hreinsa með vatni og sápu, - ekki með uppleysandi efnum, ss. þynni, bensíni o.s.frv.
• hjálminn á ekki að nota í leiktækjum.

Samkvæmt umferðarlögum er heimilt að hjóla á gangstétt og gangstíg, enda valdi það ekki gangandi vegfarendum hættu eða óþægindum. Hjólreiðamaður á gangstétt eða gangstíg skal víkja fyrir gangandi vegfarendum. Þegar nauðsynlegt er að koma í veg fyrir hættu skal hjólreiðamaður gefa hljóðmerki. Sums staðar er notkun reiðhjóla bönnuð á gangstéttum og er þá vakin athygli á því með viðeigandi skiltum.

Með því að smella hér er hægt að horfa á fræðslumyndband um hjólreiðar.

 

Eftirfarandi upplýsingar um hegðun hjólreiðamanna í umferðinni eru fengnar af heimasíðu Landssamtaka hjólreiðamanna

Með lögum skal land byggja

·         Hjólreiðamenn hafa fullan rétt til að hjóla á akbrautum.

·         Hjólreiðamenn eru gestir á göngustígum og gangstéttum og þurfa að taka fullt tillit til gangandi vegfarenda.

·         Hjólreiðamenn skulu hjóla hægra megin á umferðargötum.

·         Gefið stefnumerki með hönd í tæka tíð.

·         Rautt ljós ber að virða.

·         Þegar hjólað er í myrkri er skylda að vera með ljós að framan og að aftan.

·         Börn yngri en 15 ára skulu nota hjálma.

·         Reiðhjól þurfa lögum samkvæmt að vera með góðar bremsur á báðum hjólum, glitaugu að framan og aftan, ásamt á pedölum.

Hegðun fólks á hjóli, öryggisatriði hjólreiða

·         Verið varkár í umferðinni og virðið umferðarreglur.

·         Sýnið tillitssemi og farið sérstaklega varlega þegar farið er fram úr öðrum vegfarendum.

·         Verið sýnileg og auðskiljanleg í umferðinni.

·         Horfið í andlit bílstjóra og annarra vegfarenda sem þið mætið til að þið skiljið fyrirætlanir hvers annars betur.

·         Reiknið ekki með að bílstjórar né aðrir hafa séð ykkur eða muni eftir ykkur.

·         Miðið hraða við aðstæður.

·         Takið fullt tillit til gangandi vegfarenda á stígum, gangstéttum og gangbrautum. Hægri regla er meginreglan þegar menn mætast.

·         Notið bjölluna í tæka tíð.

·         Horfið í báðar áttir, og jafnvel fyrir aftan ykkur, áður en farið er yfir götur. Börn og óvanir þurfa að stoppa.

·         Börn yngri en 7-8  ára ættu ekki að hjóla á akbraut, en góð þjálfun og hraði bifreiða skiptir sköpum.

·         Farið varlega í kringum hesta og önnur dýr.

·         Verið á varðbergi við blindbeygjur og þar sem sandur eða ís gera yfirborðið hált.

·         Notið gjarnan hjálma og annan öryggisbúnað, en varist að treysta á þá eina. Þeir koma ekki í veg fyrir slys.

·         Hjólið á hjóli sem passar. 

·         Yfirfarið öryggisbúnað hjólsins.

·         Varist laus föt og lausa hluti sem geta flækst í keðjum eða teinum. 

·         Æfingin skapar meistarann, reynslumeiri hjólreiðamenn eru öruggari. Farið í hjólatúr nærri heimilinu með börnunum.

·         Brostu til samferðamanna þinna og þeir munu brosa til þín :)))

 

Sept 2006
Landssamtök hjólreiðamanna. Veffang: http://hjol.org
Engjavegi 6                            Tölvupóstfang: lhm@islandia.is
104 Reykjavík